ZURI’A DAYA BOOK 3 CHAPTER 14 BY SA’ADATU WAZIRI GOMBE

ZURI'A DAYA BOOK 3 CHAPTER 14 BY SA'ADATU WAZIRI GOMBE Www.bankinhausanovels.com.ng Suna cikin haka sai ga Granny nan da Ya Abba suka shigo dakin a rude suna tambayar me ke damunta. Ganin yadda kowa ya rude a kan jin rashin lafiyarta duk sai ta ji tausayin su ya kama ta a ranta ta ce da za ku ji dalilin ciwon nawa da dama daga cikinku babu wanda ba zai ji haushi na ba, malam M.J me yasa ka yi min haka? Me yasa ka kasa gane cewar nima tuni na kamu da son ka kamar yadda ka kamu da son 'yar uwarka ba ka yi wa ZUCIYA DA RUHI na adalci. (Sunan littafin Sa'adatu Waziri mai fitowa nan gaba idan Mai duka ya yarda). Tana jin likitan da ya zo duba ta yana fadawa Abba cewa damuwa ce ta yi mata yawa ga kuma wata damuwa da take son jefa kanta a ciki. Haba jin haka Abba ya shiga jero mata tambayoyin cewa me yake damunta da za ta boye ta ki gaya musu? Ba ta samu damar ba shi amsa ba likitan ya ce, damuwar zai iya yiwuwa a kan karatu ne. Sai lokacin Abba ya dan ji sanyi don ya san halin diyarsa da naci a kan karatu mutukar ta kuduri wani abu sai ta ga ta cimma burinta, sannan za ta ajiye damuwar ta. Kwana biyu ta yi tana jinyar zuciyarta ga halin da Malam M.J ya jefa ta babu wanda ta fadawa halin da take ciki illa Zahra, don ko Rauda ba ta fadawa ba. Zahra ta cika da mamakin jin furucin da ta ji wai Malam M.J ya yi nan ta shiga juya abin a ranta tare da dorawa maza raddin rashin alkawari duk da kuwa ta san ba furtawa ya yi cewa yana sonta ba, amma ai duk wanda ya ga yadda suke ya san akwai kauna da shakuwar da za ta nuna cewa su masoyan juna ne tunda ba sa iya boye emoton dinsu ga kowa. Www.bankinhausanovels.com.ng Tsaye yake bakin kofar dakinta yana sauraren duk abin da take fadawa Zahra, ransa ya yi mugun dadi jin cewa M.J ya yaudari kanwarsa, wanda dama shi ne matsala din shi. Yau kuma ga shi da kunnensa ya ji Haana na kuka na fadawa kawarta cewa Malam M.J ya yaudare ta ba za kuma ta taba yafe masa ba yadda ya sa ta yi ta bata time tana jinran dawowarsa cikin rayuwarta. Jin sautin kukanta yasa ya ji ba zai iya jurewa ba yasa ya juya zuwa dakinsa. Murna zai yi ko taya Haana dinsa damuwa domin ganinta cikin damuwa yasa ya rasa dukkan nasa sukunin, tabbas rashin MJ a rayuwar Haana dinsa shi ne farin cikinsa ZUCIYA DA RUHI dinsa mutukar ta same shi, shi kuma lokacin ne zai shiga tashin hankali mara misaltuwa a rayuwarsa, saboda yadda yake jin so da kaunarta ba zai iya barin ta auri wani ba shi ba Kasa nutsuwa yayI dole don saboda tunawa da ya yi Haana dinsa tana cikin damuwa tana kuma bukatar rarrashi da wani a kusa da ita, don ya mantar da ita ko ya kwantar da hankalinta. Da sauri ya bar dakinsa ya koma nata. Zaune take jingine kan gado tana ganinsa tayi sauri ta share hawayen da yake zubo mata ta yi saurin kirkiro murmushin yaki, ta ce, "Abba yau na yi fushi ba ka zo ba tun dazu nake sa ran ganin ka ban gan ka ba wai ina ka je ne? Dazu na zo kina barci na fita, don bana son tashin ki daga barci, ina son kuma ki fada min me ya sa ki kuka da ki ka gan ni ki ke son boyewa? Murmushi ta kirkiro ta ce, Ba kuka nake ba fa."Haana ba kya yin karya ba kuma na son ki yi min ita yanzu oya tell dime the truth ina kallon fuskarki akwai damuwa kuma kina son boye min ita maza yanzu nake son ji. Www.bankinhausanovels.com.ng Kasa daurewa ta yi sai da hawayen ya zubo ta ce, "Please Ya Abba ka manta ka bari tunda nima na riga na bari, zan kuma manta. Kai tsaye cikin dakewa ya ce, Me zan manta, me kuma zan bari, please kada ki boye min damuwar da nake gani a fuskarki ki fito ki fada min ko zan iya kawo miki mafita tunda yanzu na fara ganin canji da dama a gare ki. Da sauri ta ce, "Ya Abba wane canji ka soma gani a tare da ni please ka fada mini." Boye damuwarki mana ba kya so na sani, sabanin da da ba kya iya boye min komai ko kina ganin yanzu kin girma za ki iya samawa kanki dukkan mafita a cikin rayuwarki? Girgiza kai ta yi ta ce, "Ba haka nake nufi ba Ya Abba har karshen rayuwata ba ni da wanda zan nemi shawara gunsa sama da kai. 99 Tana yi tana kuka. Girgiza kai ya yi ya ce, "Ban son ganin wannan kukan ki tsayar da hawayen nan haka mu yi magana. Ya Abba am sorry ka jima kana fada min magana a kan Malam M.J ba na nuna maka ba na dauka, sai dai naji ka kawai na takaita maka dai yanzu duba wayar nan ka karanta ka ji abin da ya ce mini Ba sai na gani ba Haana na ga duk amsar komai a fuskarki tun shekaran jiya na kuma ji komai daga bakin ki ki na fadawa Zahra. Kar ki damu haka kaddara take dama ba lallai ne abin da ka ke so shi ka ke samu ba. Haaana na san kina son M.J shi kuma yana son wata hasali ma shi bai fada miki yana son ki ba, forget about Malam M.J kina zaune Allah zai kawo miki wanda ya fi shi komai. Ki yi min alkawarin za ki cire damuwarsa da yadda babu wanda zai gane kina cikin damuwa duk da kuwa ba abu ne mai sauki cire abin da ka ke so lokaci guda ba, amma idan har ki ka yi kokarin mantawa da shi ni kuma zan ci gaba da ba ki kulawa da mantar da ke dukkan damuwarki sai na ga ba kya cikin damuwa da sannu za ki ga Allah ya kawo miki wani cikin rayuwarki da zai sa sam ki daina tuna M.J. Www.bankinhausanovels.com.ng Da zan ga M.J da na hukunta shi da saki zubar hawayen nan da ya yi matukar ina raye na hadu da shi sai na dauki wannan fansar, don bai san yadda nake ji da Haana dina ba, Abba da Ammi ne kadai za su iya sa ta damuwa na bar Su ba wani ba. Murmushi ta yi har sai da hakoranta suka bayyana, sannan ta ce Na gode Ya Abbana kuma zan yi duk yadda ka ce sai dai ina son ka yi min uzuri a hankali zan yi kokarin mantawa da shi. Sannan ina son ko da ka hadu da shi kada ka hukunta shi laifina ne ba nashi ba, da tun farko na yarda da shawararka da ka ba ni ba, da bai kai ni ga shiga wannan halin ba. Zan yi kokarin cusa tsanarsa a zuciyata haka kadai zan yi yasa na manta da shi. Yanzu kuma a gaban ka zan goge number dinsa, domin kada ina ganin ta ina tunawa da shi. Tana gama fadin haka ta janyO wayar ta goge lambar tasa. A jiyar zuciya Ya Abba ya yi cikin ransa ya shiga murna da godewa Allah da haka ta faru, nan ya shiga tunanin ta wacce hanya zai bi don ya fallasa asirin da yake zuciyarsa ya kasa gane dalilin da ya hana shi fitowa fili ya fada mata abin da ke Zuciyarsa, ga shi kuma an zo kan gabar da zai fada mata din. Suna cikin wannan halin Rauda ta zo ta same su a nan ta samu labarin abin da yake wakana Haana din ta ba ta hakuri da ta boye mata ba ta fada mata ba. Ta cika da mamamki jin abin da ya faru nan ta dinga tuno haduwarsu a CountryMall yadda ta ga tsananin shauki da tsantsar kaunar da Malam M.J yake nunawa 'yar uwarta shi ne zai turo mata wannan sakon haka kawai ta dinga juya maganar, to ama babu abin mamaki tunda namiji ne shi. Can kuma kasan zuciyarta fargaba ta dinga shiga ka da yanzu kuma ta ce za ta komawa Sameer tunda ga abin da ya faru da ita da Malam M.J dinta. Haka dai ta yi kokarin boye wannan damuwar a cikin ranta. Suka hadu ita da Ya Abba suna kwantar mata da hankali da ba ta baki a kan ta daure kada ta bar damuwa cikin ranta. A wannan Lokacin Haana ta j1 dadi, don ta soma sakewa da kuncin da take yi wannan lokacin. Www.bankinhausanovels.com.ng Yau kwanaki hudu kenan da faruwar al'amarin Mr. Sameer ne zaune cikin dakinsa ya gama shirinsa tsaf, ya dawo jikin mirrow din da ke manne jikin bangon dakinsa, ya kalli kansa cikin madubin ya yi murmushi ya ce, "Haana lokaCi ya yi yanZu da zan je gare ki, tunda na cika aikina Muhammad ka yi ganganci da ka ke so ka ce za ka hana ni son Haana, na raba ka da ita zan yi kokarin Gama sa ta manta ka ta kuma tsane ka. Haana ki yihakuri jefa ki cikin wannan damuwar da na yi hakan da na yi ita ce kadai da zan samu na raba ki da M.J dinki domin na same ki cikin ruwan sanyi ba ni da matsala a yanzu zan yi Kokarin duk yadda zan yi ki so ni fiye da yadda ki ke son M.J. Abba ba na ta tashi tunda ke ba ki gane yana son ki ba, shi kuma ya ki ya fada miki tun kafin ya fada miki ni kuma zan sake bayyana miki." Yadda al'amarin yake tun ranar da Sameer ya karbi wayar Haana suna tare da Rauda da zummar zai duba wayar a nan ya yi bincike a wayarta kamar yadda ya yi zargin zai ga sunan Malam M.J haka ya gani ya yi sauri ya canza sunan ya maida lambobi yadda babu mai gane wa ya saka tasa lambar da ya sai sabon layi ya mayar sunan M.J a kai. Ya kudiri niyar idan ya gabatar da kansa a masoyinta ta ki amincewa da shi to ta nan ne zai turo sako a matsayin M.J ne yadda za ta ji ta tsane shi ta daina son shi, ta daure su so juna, shi kuma M.J din ya sanya shi a blak list yadda duk yadda Zaiyi ba zai same ta ba. Kamar yadda ya zarga hakan ne kuwa ya faru, shi ne dalilin da ya sa ya turo mata wannan sakon a matsayin shi ne ya turo mata, sarai ya samu labarin rashin lafiyarta, amma sai ya nuna sam shi bai ji ba ma. Tun ranar da suka rabu bai sake bi ta kanta ba bare har ya je inda take, Rauda har waya ta yi masa ta ce ga ta ba ta da lafiya ko bai ji ba? Ya ce mata yana busy ne idan ya gama zai kira ta. Zaune ya iske duk 'yan gidan a falo suna ta hira can ya hangı Haana kwance kan three sitar yana ganin ta ya wani sauya fuska kamar ma bai san wani abu ya faru da ita ba. Kai tsaye gurin Granny ya nufa ya çe, "Hajiya Kaka ya girma ya kuma kwarin kashi? Murmushi ta yi ta ce, Kwarin kashi sai godiya yana nan yana fin naka, wai ina ka shiga ne kwana biyu ban gan ka gurin dubiyar mis mis din taka ba, ko ba ka da labarin ba ta jin dadi ne? Www.bankinhausanovels.com.ng Ba Mr. Sameer ba hatta Haana da take gefe guda sai da abin ya ba ta dariya, shi ma dariyar ya yi daidai lokacin da Ammi suka shigo falon ita da Ya Abba da alamun unguwa suka je. Sai da ya gaida Ammi, sannan ya ba wa Granny amsa da cewa. Ni da farko ban sani ba kullum idan na fita tun safe sai dare nake dawowa dazu ne Rauda take fada min shi ne yau na ce bari na zo mu gaisa da ku na kuma duba ta. Granny ai ba ta so na sani ba tana da lamba ta ba me yasa ba ta kira ta fada min ba? To dai maganar korafi ta kare tunda yar uwarta ta fada maka kuma ga shi ka zo. Haka ne Granny ya jikin nata kuwa? Su da Ammi suka amsa da sauki. Can ya hangi Abba ko tsayawa bai yi sun gaisa ba ya nufi gurinta. Murmushi ya yi a boye shi ma ya je ya zauna kusa da kujerar da take daidai kafarta da yake Abba na zaune a kusa da kanta. Bayan sun gaisa ya ce, "Abba ya mai jiki, kai ma ba ka kira ka fada min ba duk kai da ita kunyi laifi." Wannan ba zai zama laifi ba sai da a kira shi ajizanci irin na dan adam, ita ke ciwon ni kuma uzurarrika sun y1 min yawa, ban sani ba ko ba ka da masaniya tunda kana shigowa gidan, ka ga bai zama lallai na san cewa ba ka sani ba. Gaskiya ne Miss Haana ya jikin naki? "Da sauki." Tunda Abba yake jin yana kiranta Miss Haana bai taba jin haushin hakan ba sai yau don cikin salon da ya kira sunanta ya yi ne da biyu, don ya bata masa rai, kuma kwarai ya yi nasarar yin haka. Ke kin sha maganin ki kuwa na fa san halin ki? Cira kai ta yi ta dube shi jin yadda ya yi maganar kamar cikin fada, ta san yana ba ta kulawa sosai da nuna damuwa, ta dube shi ta ga kamar ransa a bace, sai ta ce,Yanzu zan sha ga shi nan gabana. Bai ce da ita komai ba ya dauka ya fito da su daga cikin kwanson su ya ce, "Oya na ga idan ba a gabana ba ne ba kya shan magani tunda kina daukar kan ki kamar Nur ko. Bai yi wata-wata ba ya daukO ruwa ya mika mata ya ce ta sha, nan ta soma yi masa salon shagabarta. Wani irin kishi ne ya kama Mr. Sameer ganin yadda Ya Abba yake son nuna masa ,,,,,, MIss Haana zan koma ina da uzuri. Www.bankinhausanovels.com.ng Da wuri haka Mr. Sameer. "No, kar ki damu we should meet later. Bai jira cewarta ba ya juya abin sa. Ta cika da mamakI wato mutumin nan fushi yake da ni don na ga tunda ya zo bai wani saki fuska ba. Abin da ta fada a ranta kenan. Ran Ya Abba ya yi fari tas domin ya yi abin da yake masa dama shi ma ya iya yana raga masa ne, don kawai zaman lafiya. To amma yanzu bai jin zai dinga raga masa. Haana ta dube shi ta ga yana murmushi ita ma sai ta yi murmushin duk da ba ta san na me ye ba. Ya Abba yana jin dadin yadda yake ganin rashin jituwar Haana da Sameer ya yi farin ciki da ya fuskanci ba sa shiri haka ya dinga Jin sam ba shi da damuwa. Bayan sati daya da faruwar haka da yamma Mr. Sameer ya dawo daga motsa jiki can ya hangi Haana da kaninta Nur sun nufi gidansu Hajiya Babba da sauri ya karkata kan motarsa ya ja ya sha gabanta. Tana ganinsa ta dan saki murmushi shi ma ganin sakin fuskarta shi ma ya saki. Mr. Sameer sarkin san motsa jiki an dawo kenan na fuskanta. Ta karasa fada cikin murmushi hannunta rike da na Nur. Murmushin ya sake yi ya ce, To ya ba zan yi tsadar gani ba uwar gidan M.J tunda an ce ba a yi da ni ai sai na nufi inda ake yi da ni ka san inda ake Son ka nan ka ke zuwa. MISS Haana ki cire komai a ranki mu gyara alakarmu ta 'yan uwan juna na hakura da ke ba wai don ba na son ki ba, don kawai kina da wanda ki ke so. Na yi tunani idan na biyewa zuciyata zan ma daina rabar inda ki ke, ina miki fatan zaman lafiya da shi idan na bata miki to ki yafe ni. Take yanayin ta ya sauya ta ji wani irin tausayinsa ya kama ta abin ka da mace mai rauni. Jin furucinsa sai ta ji kamar ya dauki mashi ya caka mata a kahon zuci, ko kadan ba ta son jin wani ya ambaci sunan M.J ta tsani jin sunansa bare a tsaya ana ba ta labarinsa. Www.bankinhausanovels.com.ng A fakaice yake kallonta don ganin yanayin da ta shiga ta yi kamar za ta ce wani abu sai ta dake kawai ta ce, "Mr. Ba wai kin ka nake ba, ka fuskanci dalilin da na fada maka a baya. Ai na gamsu tuntuni shi yasa nima na fadi haka ganin tuni M.J ya gama yin tasiri a zuciyarki ba kya ganin kowa sai shi. Wannan karon kasa boye damuwarta ta yi ta ce, Please Mr. Sameer ba na son ka sake yi min maganar M.J bana son jin ko kadan." "Kan wanne dalili? Ba sai ka ji dalili ba, kamar yadda na ce ka manta please ka manta ba na son kowa yana kawo min batun sa ko saka shi cikin al'amarin na ina son 1n manta da shi saboda na samu nutsuwa. Babu damuwa zan yi duk abin da ki ka ce mutukar hakan zai saki farin ciki, a yanzu a shirye nake da na baki dukkan wata gudunmawa da za ta saki fari ciki. Ni Sameer a shirye nake ki ba ni kambun zama babban abokinki amininki domin HMMM LABARI FA NATA TAFIYA SHIN KOYA ZATACI GABA DA KAYAWA KUDAI KUCI GABA DA KASANCEWA DAMU A KODA YAUSHE WWW.BANKINHAUSANOVELS.COM.NG

CANJIN RAYUWA CHAPTER 9 BY HALIMA A K/MASHI

CANJIN RAYUWA CHAPTER 8 BY HALIMA A K/MASHI

DABAIBAYI BY KHADIJAH AHMED

GIRMA YA FADI COMPLETE HAUSA NOVEL

ALLURA CIKIN RUWA BOOK 2 CHAPTER 2 BY BILKISU S. AHMAD FUNTUA

ARNE CHAPTER 12 BY Surayyahm.s

BURINA COMPLETE BY Amnah El yaqoub

ZURI’A DAYA BOOK 3 CHAPTER 14 BY SA’ADATU WAZIRI GOMBE

Read Next

ZURI’A DAYA BOOK 3 CHAPTER 19 KARSHE BY SA’ADATU WAZIRI GOMBE

ZURI’A DAYA BOOK 3 CHAPTER 18 BY SA’ADATU WAZIRI GOMBE

ZURI’A DAYA BOOK 3 CHAPTER 17 BY SA’ADATU WAZIRI GOMBE

ZURI’A DAYA BOOK 3 CHAPTER 17 BY SA’ADATU WAZIRI GOMBE

ZURI’A DAYA BOOK 3 CHAPTER 16 BY SA’ADATU WAZIRI GOMBE

ZURI’A DAYA BOOK 3 CHAPTER 19 KARSHE BY SA’ADATU WAZIRI GOMBE

ZURI’A DAYA BOOK 3 CHAPTER 18 BY SA’ADATU WAZIRI GOMBE

ZURI’A DAYA BOOK 3 CHAPTER 17 BY SA’ADATU WAZIRI GOMBE

ZURI’A DAYA BOOK 3 CHAPTER 17 BY SA’ADATU WAZIRI GOMBE

ZURI’A DAYA BOOK 3 CHAPTER 16 BY SA’ADATU WAZIRI GOMBE

Leave a Reply Cancel reply

Read Next

ZURI’A DAYA BOOK 3 CHAPTER 19 KARSHE BY SA’ADATU WAZIRI GOMBE

ZURI’A DAYA BOOK 3 CHAPTER 18 BY SA’ADATU WAZIRI GOMBE

ZURI’A DAYA BOOK 3 CHAPTER 17 BY SA’ADATU WAZIRI GOMBE

ZURI’A DAYA BOOK 3 CHAPTER 17 BY SA’ADATU WAZIRI GOMBE

ZURI’A DAYA BOOK 3 CHAPTER 16 BY SA’ADATU WAZIRI GOMBE

Leave a Reply Cancel reply

Related Articles

Adblock Detected