UMM ADIYYAH CHAPTER 63 BY AZIZA IDRIS GOMBE

UMM ADIYYAH CHAPTER 63 BY AZIZA IDRIS GOMBE Www.bankinhausanovels.com.ng Mun tsaya Eh, tabbas laifi ne mai tsauri, zai iya yiwuwa ya gaza danne kwadayinsa, zai iya yiwuwa yana son ya balle ya gina nasa kam- fanin ne. Har hakan ya janyo ya yi abinda ya yi. Yana da iyali, matarsa kuma tana kirana kaninta. So, ya biya tarar da aka ci shi, ya dawo kuma da wasu daga cikin kudaden da ya samu daga hannunsu. Yanzu haka yana kirana duk karshen wata ya fada min abinda yake ciki a sabon wurin aikin sa." Yallabai gaskiya kun yi kokari, ba kowa ne zai iya abinda ku ka yi ba. Allah ya saka maku da alheri." Gefen labbansa ne suka motsa sama kadan, alamar murmushi. Suka ci-gaba da hada wayoyin da suka dace su y. A nan dai aka yanke shawarar washegari za su gamu da kamfanin N-Bits. ********** Hankalinsa gaba daya ya tafi akan wayar da yake yi, ya bada dukkan natsuwarsa a kai, lokacin da ya ji ana taba kofar ofishin nasa alamar kwankwasawa, idanunsa ya mayar kan komfutar da take dauke da hotunan mutanen, Karamin falon karban bakin sa. Wayar Intakom dinsa ya daga ya yi magana da Stella, "Ki bari su shigo." Www.bankinhausanovels.com.ng Yana ajiye kan wayar ne, suka shigo cikin ofishin, fara' arsa ya fadada, hade da mikewa don ya isa wurin kujerun zaman da yake zama da bakin gida ko baki na musamman. Hannu ya mika masu. Suka karba daya bayan daya cikin musabaha, suka gaisa da shi, "Fa'iz ai ban san za ka zo ba, yanzu ko na ke shirin shiga (Meet- ing), a (Conference Room), amma za ku iya jirana, ban tsammanin za mu dade a ciki ba."Fa'iz yana dan yake ya sosa keya, sannan ya dan taba abokin sa akan ya yi Magana. Zaid ya kallesu ya kara mayar da ganinsa wurin Fa'iz. Yaya dai? Idan kuma ba za ku iya jira ba, zan hadaku da Ceasar ya nuna maku cikin kamfanin, duk da na san kai ka sha zuwa, za ka iya nunawa abokinka ko ina, ku shiga har Lab ma ya ga komai." "Uhm! Yallabai, dazu an kiramu aka ce mu zo karfe sha daya." Abokin Fa'iz ya yi magana. Www.bankinhausanovels.com.ng Goshin Zaid ne ya tattare cikin tunani, yana dubansu daya bayan daya. Akan Fa'iz ganinsa ya sauka. "Waye ya kiraku?" Ina ga ya ce idan muka zo mu kira shi sunansa Charles, to sai Fa'iz ya ce ya san wurin da ka ke zai fi kyau mu zo kai tsaye wurinka, don mu yi magana. Idanun Zaid a take suka fara kifkiftawa don kansu, a hankali fara'ar da ta wadata a fuskarsa 'yan sakannin da suka wuce ya koma tashin hankali. Ji ya yi kamar an sace masa iskar Kafafunsa, yayin da gumi ya ya tsattsafo masa a goshinsa. "Charles? Ya kiraku? Ya ce ku zo nan karfe sha daya?" Dukansu biyu suka shiga gyada kai, kamar kadangaru. "Uhm! Shin Fa'iz ka na da alaka da wani abu da ake kira N-bits" Fa'iz na murmushi kasa-kasa, ya sosa kai ya ce. "Yallabai ni da aboki na din nan, mu ne wadanda suka assasa kamfanin N-Bits." Wani numfashi Zaid ya zuka, take ya ji wuyansa ya toshe, ruwan da aka ajiye masu, ya dauka ya balle hancin gora daya, ya kai baki ya shanye tas! Sannan ya goge bakin sa. Duk kwakwalwarsa tana cikin tu- nani. Murmushi ya masu ya ce, ""I must say you're quite Impressive. Very impressive. So za ku dan ban bayanin yadda aka yi ku ka kafa kamfaninku, duba da yadda ku ka fito da karfinku?" Kallon juna suka yi kamar suna shawara. Www.bankinhausanovels.com.ng Bude coat dinsa ya yi, ya gyara, sannan ya shiga makale aninan suit dinsa, ya koma ya jinginu da kujerar hade da nade katfarsa daya kan daya, safar kafarsa tana lekowa a cikin dress shoes dinsa. "Ku saki jikinku, kasuwanci za mu yi, sannan ina bukatar na san abubuwa game da kamfaninku, kamar yadda ni ma na tabbatar sai da ku ka gama bincikenku, kafin ku zo da hannun kasuwanci. Shin na fadi dai- dai? Ehm, Yaya Zaid, muna da wani wanda ya dauki nauyin tallafa mana. Sannan kuma, wannan sunansa Rufa'i yana da dan jari, kuma dama yana dan harkalla haka, to ya san kan komfutoci." Kamar yadda ka san programming." Zaid ya fada, hannunsa jingine da kansa, yatsarsa manuniya na kansa, yayin da karamar yatsarsa ke kusa da bakin sa. Eh, to shi ne muka fara dan bincikenmu haka akan encryption (marufin sirri) da dai sauransu." Yanzu ina so ku fada min iya matsalar da ku ka saka kanku a ciki, kafin mu je gaba da bayanin." Zaid ya fada hade da rankwafowa gaba, ya sargafe hannayensa cikin juna, yana kallon yadda Fa'iz ya hadiyi wani abu. Rufa'i yana wulla idanu. "Ba mu san yadda aka yi ba, lokaci na karshe garin dan tattara bayanai, mun samu yar matsala har dai wancan kamfanin suka nemi su hadamu da hukuma. Yaya Zaid da gaske, ba abu marar kyau muka yi ba, kawai dai mu idan mun samu ne muke decrypting mu sayarwa masu so. Kuma..." Yaya ku ke so (AZIT) ya taimake ku a nan?" Shiru ne ya dan ratsa kafin Rufa'i ya lashi labbansa ya ce, "Mun ji labari kwanakin baya, kun samu matsalar Data breach (Satan muhimman takardu), shi ne muke so ku taimaka mana wurin kulle Database dinmu, yadda babu wanda zai iya samun Www.bankinhausanovels.com.ng mashiga, saboda mu matakin tsaron da muke amfani da shi, bai da karfin da za mu toshe masu kawo mana hari ba." Murmushi Zaid ya yi, ya ce "Mhm! Hakan na da kyau. Zan hada ku da Analyst dinmu, sai ku tattauna abubuwan da ku ke bukata ayi maku." Nan da nan Fa'iz ya washe baki. "Sai maganar kudin aikinku, da za ku biya." Zaid ya fada yana kallon fuskokinsu. "Ah, Yallabai wannan ba komai bane, ko nawa ne za mu bayar kawai dai..." Fees dinku shi ne ku tattaro duk bayanan da ku ka san kun sa a kasuwa na (AZ IT), sannan kuma wadanda ba ku gama sayarwa ba, ku dawo mana da su, sannan ku dawo mana da ribar da ku ka samu akai. Daga lokacin zuwa yanzu. A madadin hakan zan ba ku aikin yi a nan, Ina da ra'ayi akan kamfaninku, za mu hade da namu mu ci- gaba da bunkasa shi ta hanyar habbaka ayyuka masu kyau bisa ka' ida, ku kuma ku samu riba, kuma ku sa iliminku a yin aikin da yake kan yadda shari'a ta tsara, ba sayar da kayan sata ba." Gumi ne ya jika fuskar Fa'iz, nan take han- nunsa ya hau kakkarwa. Yayin da Rufa'i ya matsa daf kunnan Fa'iz hakoransa a cije ya ce masa, "Na fada maka zai gane." "Ba ku ce komai ba, shin mun samu yarje- jeniya?" A take Fa'iz ya zube a kasan kafet din gaban Zaid yana kuka, "Don Allah, don Annabi Yaya kar ka fadawa su Abba. Wallahi ba da gangan muka yi ba, kawai mun fara da kadan-kadan ne, kuma.." "Me ya sa ka ke kuka? Ba cewa na yi zan sa a kulle ku ba, which by the way, idan Www.bankinhausanovels.com.ng aka kulleku sai kun yi shekaru biyar, zuwa bakwai, amma ba hakan na ke so maku ba, saboda dukkanku har yanzu yara ne, you have the potential, kawai kun zabi ku yi amfani da shi ta gurbatacciyar hanya ce. Idan kun amince za mu yi covering wasu legal issues dinku, a canza komai na kamfanin, na kuma dauke ku a aiki, don ba za mu yi amfani da sunan kamfaninku ba, kasancewar an riga anyi aikin sata akalla sau hudu zuwa biyar da shi, kuma ina tabbatar maku da ba (AZ IT) bane kawai suke nemanku." "Mun amince Yaya Zaid, ba ma son ma ko- mai." "Wato Mr Akim ko? Shawararka ce ko kuma ta waye?A ina ka fara sanin Akim?" "Ehm, Adda Ummu ta kan fada mana labarin mutanen ofis dinsu, wataran idan na zo wurinta, ina lura da shi, wannan ya sa da muka fara kasuwancin da abokanmu, sai muka tura wasu su je su ba shi offer, da farko ya ki, amma muka matsa masa har sai da muka ba shi kudin da mun san ba zai ki amincewa ba." Naira miliyan talatin a kayyade. Ku kuma a ina ku ka samu wannan makudan kudaden?" Kudin Rufa'i ne na gado, sai kuma wani dan kasuwa da muka samu ya sanya mana hannun jari." Zaid ya tabe baki yana kallon kasa, hade da gyada kansa, kafin kallonsa ya koma kan Fa'iz, "Ka san dai tamabaya kadai idan kayi ya wadatar ko? Ka san ba abinda ba zan yi wa Abba da Maami ba ko? Me ya sa? A yanzu ina jin zafi da kunci a raina da har na bari karkashin kulawata ka zama abin da ka zama Fa'iz. Meye matsayin Faruk a kamfaninku?" Kan Fa'iz a kasa yana share hawaye, ya ce Bai san muna yi ba." Zaid ya sa hannu ya tallafo kansa cikin matsan- nancin damuwa. Yaya Abba zai yi idan ya ji wannan mummunar labarin cewa da hannun dansa aka hadu aka cuci kamfaninsa daruruwan miliyoyin kudade. Shi bai isa ya daure su ba, duk da abinda ya dace ya yi kenan, abinda kwakwalwarsa take fada masa kenan, amma idan ya yi haka, ya bata goma ne, daya ba ta gyaru ba, tabbas yaran suna da fasaha, sai dai rashin samun kula mai kyau da kuma saurinsu na son su yi kudi ta ko wane hali, ya sa sun zama yan Www.bankinhausanovels.com.ng yahoo yahoo. "Banda hustling' me ka ke sha Fa'iz?" Zaid ya jefawa Fa'iz wannan tambayar., yana Kare masa kallo. *** ***** BABI NA ARBAIN "Wallahi Yaya, banda sigari ban taba shan ko- mai ba. Shi ma sau biyu kawai na taba sha. Maami za ta tsine min idan ta ji abinda na yi, don Allah kar ka fada mata." Fa'iz kam kuka yake yi wee-wee. Yanzu abu na gaba, ya dace ina dakin taro mintuna goma da suka shige. Ina tattaunawa da ma'assasa (N-Bit Links). Abinda na ke so da ku, shi ne za mu shiga da ku wurin taron, za ku maimaita abinda ku ka fada min yanzu, za kuma ku nemi gafara da kuma yarjejeniya. Zan kira lauyanmu mu tattauna, kafin nan ku je nan Reception ku jirani." HMMM LABARI FA NATA TAFIYA SHIN KOYA ZATACI GABA DA KAYAWA KUDAI KUCI GABA DA KASANCEWA DAMU A KODA YAUSHE WWW.BANKINHAUSANOVELS.COM.NG

CANJIN RAYUWA CHAPTER 9 BY HALIMA A K/MASHI

CANJIN RAYUWA CHAPTER 8 BY HALIMA A K/MASHI

DABAIBAYI BY KHADIJAH AHMED

GIRMA YA FADI COMPLETE HAUSA NOVEL

ALLURA CIKIN RUWA BOOK 2 CHAPTER 2 BY BILKISU S. AHMAD FUNTUA

ARNE CHAPTER 12 BY Surayyahm.s

BURINA COMPLETE BY Amnah El yaqoub

UMM ADIYYAH CHAPTER 63 BY AZIZA IDRIS GOMBE

Read Next

MAI CIKE CE CHAPTER TRAILER ,BY NARNAH ƘANWAR SOJA

FARASHIN SO CHAPTER 2 BY ƘANWAR SOJA

DUHU CIKIN HASKE CHAPTER 7

DUHU CIKIN HASKE CHAPTER 6

DUHU CIKIN HASKE CHAPTER 5

MAI CIKE CE CHAPTER TRAILER ,BY NARNAH ƘANWAR SOJA

FARASHIN SO CHAPTER 2 BY ƘANWAR SOJA

DUHU CIKIN HASKE CHAPTER 7

DUHU CIKIN HASKE CHAPTER 6

DUHU CIKIN HASKE CHAPTER 5

Leave a Reply Cancel reply

Read Next

MAI CIKE CE CHAPTER TRAILER ,BY NARNAH ƘANWAR SOJA

FARASHIN SO CHAPTER 2 BY ƘANWAR SOJA

DUHU CIKIN HASKE CHAPTER 7

DUHU CIKIN HASKE CHAPTER 6

DUHU CIKIN HASKE CHAPTER 5

Leave a Reply Cancel reply

Related Articles

Adblock Detected